Það er alltaf svo gaman að sjá ný verk fæðast hjá nemendum. Ég hef sérstaklega ánægju af því að sjá hvað nemendur geta skapað úr trjágreinum. Í þessu verkefni hjá 2.-3. bekk hafa margar ólíkar fígúrur fæðst. Eina sem kennarinn krefst er að samsetningarnar séu á þá leið að borað sé gat í trjágreinina/lurkinn og tálgaður sé endinn á grein sem er síðan felld í gatið.
| ||||||
Nú er komið að annarskilum og eru þá hópaskipti. Krakkarnir sem voru að klára smíði fara í myndmennt til Sigríðar Helgu og ég fæ hópinn sem Helena handavinnukennari var með. Krakkarnir hafa unnið í vetur verkefni úr trjágreinum,gert lyklakippu úr horni,hreyfileikfang og nú undir lokin gerðu krakkarnir hljóðfæri. Hljóðfærið var gert í samvinnu við Helgu Kolbeinsdóttur tónmenntakennara. Ég verð að viðurkenna að ég veit ekki hvað hljóðfærið heitir en það heyrist ansi hátt í því . Vona að foreldrar verði ekki þreytt á þessum hávaða
Í vetur verður 1. bekk skipt í tvo hópa. Stelpur í öðrum og strákar í hinum. Krakkarnir eru að leggja l0kahönd á svokallaða endatrésmynd eða mósaikmynd. Þessi mynd er gerð þannig að kennari sagar þunnar sneiðar af endatré og brjóta krakkarnir þessar sneiðar niður í búta og mála bútana. Síðan fær hver nemandi krossviðsplötu sem hann pússar með grófum og fínum sandpappír. Að lokum búa nemendur til mynd úr endatrésbútunum og líma þá á krossviðsplötuna.
| ||||||
| Copyright ©2012 Smíðakennsla - All Rights Reserved | ||||||
Hljóðfærið taka nemendur með sér heim í vor en þá hafa allir hópar gert slíkt og væntanlega notað það í tónmenntatíma hjá Helgu.
Í útikennsluvikunni fór ég út með strákahópinn og veltum við fyrir okkur hvort við gætum ekki notað trjágreinarnar sem eru á skólalóðinni. Hver nemandi fékk lyklakippuhring og valdi sér greinarbút sem hægt væri að nota á lyklakippuna.
