2.-3. Bekkur
Í 2.-3. bekk er aðal áherslan lögð á útsögun þ.e. að nemendur þjálfist í að saga með útsögunarsög. Í vetur byrjaði ég á því að leyfa þessum nemendum að velja milli tveggja útsögunarverkefna. Gömul leikföng urðu fyrir valinu þ.e. klifurkarl og nefkarl. Nemendur teiknuðu þrjár hugmyndir af því hvernig þeir gætu útfært leikfangið og völdu þau bestu hugmyndina til að framkvæma.
Eins og allir hópar í smíði þá vinna 6.-7. bekkur að hlut úr skóginum. Þessi hópur gerir box úr trjábol eða öflugri grein. Fyrir utan stofuna hjá mér er ég alltaf með tré t.d. birki,ösp,víði og fleiri trjátegundir. Nemendur gerðu boxið sitt úr birki. Boxin eru oft mjög ólík og eru lokin eru útfærð á mismunandi hátt eftir því sem nemandinn vill.
Nemendur 6.-7. bekkjar vinna öll rafmagnsverkefni. Sum þeirra náðu að byrja á verkefninu í 5. bekk og eru að ljúka því á þessarri önn. Krakkarnir velja um rafmagnsverkefni. Þau geta t.d. gert raftening,dyrabjöllu,sparibauk eða ljós. Hér til hliðar er mynd af rafmagnssparibauk sem stúlka í 7.bekk var að klára í síðustu viku. Baukurinn virkar þannig að þegar settur er í hann peningur (þ.e.a.s. klink) þá vælir hann hátt. Mér finnst þetta skemmtilegt verkefni en vona ég að hávaðinn ergi ekki marga foreldra 
Í 6. og 7. bekk legg ég mikla áherslu á tifsagarvinnu. Nemendur fá frjálsar hendur með að velja tifsagarverkefni. Vil ég bara að krakkarnir séu orðnir mjög öryggir í vinnu með sögina og geti skipt um blað í henni sjálf. Við erum með tvær tifsagir í stofunni og er skipt um blöð í þeim á mjög ólíkan hátt. Hér til hliðar er mynd af spegli sem stúlka í 6. bekk er að leggja lokahönd á.
Þessa vikurnar hafa nemendur 1.bekkjar verið að búa til bókastoð. Þar fá nemendur æfingu í að saga með handsög,líma og negla. Bókastoðina skreyta nemendur síðan með steinum sem þau hafa týnt í nágrenni skólans. Krakkarnir mála steinana að vild áður en þeir eru límdir á bókstoðina.
Núna eru flestir langt komnir með möppurnar sínar og margir farnir með þær heim. Þeir nemendur sem hafa lokið við þær og snagann sinn fá að gera verkefni að eigin vali. Núna í vetur lærði 4. bekkur að nota tifsög en það er mjög misjafnt hvernig nemendum gengur að saga með tifsöginni en það reynist mörgum erfitt að fylgja línu en æfingin skapar meistarann og v0nandi verða allir orðnir mjög flinkir að vinna með tifsög í 7. bekk 
Ég var að skoða myndir sem ég hef tekið í vetur og rakst þá á þessa skemmtilegu englamynd sem tekin var á aðventunni. Mér finnst svo gaman að sjá hvað þessir englar eru skemmtilegir og ólíkir. Það voru nemendur í 6.-7. bekk sem gerðu þessa engla fyrir jólin
4. –5. bekkur í smíðaverkstæði eru núna að gera snaga og möppur. Snagana gera nemendur úr birki eða víði sem við höfum fengið hér í sveitinni. Það er alltaf gaman að sjá hvað hægt er að gera fallega hluti úr efnivið sem á að henda. Margir nemendur eru byrjaðir að gera möppur en möppurnar eru mjög ólíkar og skemmtilegar þar sem nemendur hanna sínar hliðar í möppuna. Það verður gaman að sjá útkomuna þegar allur hópurinn er búinn. Þess má geta að það er alltaf mikið fjör í tímum hjá þessum hóp en þessir krakkar eru alveg ótrúlega dugleg og vilja vinna af fullum krafti allan tímann 
Það sem af er vetrar hefur 1. bekkur fengist við ýmis verkefni. Núna eru þau að gera hitaplatta en þar æfa þau sig að líma með trélími. Í plattann endurnýtum við m.a. jólatré starfsmanna Flúðaskóla sem hafa verið söguð í sneiðar. Næsta verkefni verður bókastoð en þar æfum við okkur að saga með handsög,líma og negla. Bókastoðin verður síðan skreytt með efnivið úr náttúrunni. Í næsta tíma fáum við góða heimsókn en þá verða elstu krakkarnir í leikskólanum með okkur í tíma.