Í vetur ætlum við að vera með nýja getraun. Getraunin fjallar um fugla og eiga nemendur og kennarar að finna út hver fuglinn er sem fjallað er um. Munum við setja lýsinguna á fuglinum inn á bloggið hverju sinni.
Í vor voru skógardagar/útidagar líkt og undanfarin ár. Fengist var við ýmisleg fjölbreytt og skemmtileg verkefni í aldursblönduðum hópum. Þau verkefni sem nemendur fengust við voru: garðyrkja, hestafræði, rúgbrauðsgerð í hver, gamlar rímur, teikning með ýmsu úr skógarbotninum, súluskurður þar sem nemendur bjuggu til myndir (sem tengdust sögum úr heimabyggð) í trjábol með sporjárni, fjármörk og gamlir leikir. Þessir dagar tókust mjög vel og voru nemendur áhugasamir í þessari vinnu.
Jurtin er mjög algeng um allt land. Hún vex einkum á melum, söndum og þurru mólendi. Hún er mikið á hálendi Íslands og finnst víða upp í 1000 til 1100 m hæð í fjöllunum. Hæst hefur hún fundist á Tungnahrygg á Tröllaskaga í 1300 m hæð.
Vinningshafar fyrir getraun janúarmánaðar voru Halla Gunnarsdóttir og Þórey Þula Helgadóttir. Vinningshafar fyrir nóvembergetraunina voru Bára Sævaldsdóttir og Sonja Ýr Benediktsdóttir.
Síðasta miðvikudag voru kennarar með útikennarafund. Stýrihópurinn var búinn að undirbúa verkefni sem hægt er að útfæra og nota í ýmsum námsgreinum s.s tungumálum og stærðfræði. Í þessari viku er útikennsluvika og vonum við að allir komi vel klæddir
Jurt mánaðarins
Blómin eru í einu, endastæðu, stuttu axi sem er umlukið nokkrum, dökkbrúnum, himnukenndum axhlífum, glærum að neðan til en dökkbrúnum efst, oddmjóum. Blómin með þrem fræflum.
Blómin eru umkringd hvítum hárum í stað blómhlífar. Þau eru stutt í fyrstu en lengjast mikið við aldinþroskunina og verða að 2-3 sm löngum svifhárum.
Jurt mánaðarins
Te af jurtinni er sagt gott við nýrna- og blöðrusteinum og hunang unnið úr henni er talið mjög hollt. Þá er jurtin vinsælt til litunar, því að fá má fram mörg litbrigði: Gult, gulgrænt, grænt, mógrænt eða dökkbrúnt, með mislangri suðu og íblöndun blásteins og vítríóls.
Jurtin er áberandi í grónum hraunum og á heiðum landsins og all útbreidd nema á Vestfjörðum og miðhálendinu. Þetta er ein algengasta heiðaplantan á norðurlöndunum og á norðanverðu Bretlandi. Jurtin blómgast og skartar bleikrauðum blómum seinni hluta sumars og þar sem beit er að mestu hætt víða um landið sjást bleikir móarnir víða ef vel er að gáð. Jurtin var fyrrum talin afbragðs beitarjurt. Jurtin getur orðið 15 til 25 ára gömul en á það til að grána ef snjór hylur hana ekki yfir vetrartímann. Talsvert hunang er í blómunum og víða erlendis eru býflugur notaðar til að safna lynghunangi sem þykir ágætis afurð. Jurtin var líka notuð til að lita gult því það er mikil sútunarsýra í henni. Stundum var jurtin sett í rúmstæði hjá þeim sem áttu erfitt með að festa svefn.
Jurt mánaðarins
Blóm jurtarinnar eru fremur lítil en sitja í stórum skúfum og eru greinarnar loðnar. Blómin eru ilmsterk. Jurtin er algeng í sumum landshlutum, einkum á suður- og vesturlandi, og í Eyjafirði. Jurtin er gjarnan notuð í ilmefni og sem bragðefni í mjöð, vín og bjór. Hún er einnig notuð sem lækningajurt við græðingu sára og sem verkjalyf. Jurtin var hluti af þjófagaldri til að komast að því hver hefði stolið frá manni. Te bæði af blöðum og blómum þótti svitadrífandi, verkeyðandi og græðandi.
Jurt októbermánaðar var hrútaberjalyng. Þátttaka í getrauninni var góð og voru dregnir út vinningshafar úr hópi starfsmanna og nemenda. Vinningshafar voru Vignir í 1. bekk og Kolbrún deildarstjóri stuðningsbrautar. Við óskum þeim innilega til hamingju 
Jurt mánaðarins
Plantan er algeng á láglendi um allt land. Hún vex í frjósömum brekkum og bollum,einnig oft í skógarbotnum.
Plantan er með löngum renglum, sem eru bæði skörðóttar og hærðar.
Þessar renglur, sem stundum eru kallaðar skolla- eða tröllareipi, geta orðið allt að tveir metrar á lengd.
Blómstönglarnir eru uppréttir og með þyrnum. Blóm eru fá saman og eru bikarblöðin niðurbeygð en krónublöðin upprétt.
Aldinið þroskast fremur seint á sumrin, það eru safamikið og örlítið súrt á bragðið
Aldinið hefur verið töluvert nýtt til sultugerðar.